Улуттук коопсуздук комитети (УКМК) коррупцияга каршы күрөштү күчөтүүгө багытталган мыйзам долбоорун даярдап, коомдук талкууга койду.
Ош облустук милициясы 4-5 жаштагы баласын кагып-силкип, "эшикке укта" деп кууп жаткан кишини тапты. Бул окуя мигранттардын балдарынын кейиштүү тагдырын эске салып, алар кабылган зордук-зомбулукка байланыштуу талкууну күчөттү.
5-сентябрда Сокулук районунда 9-класстын окуучусу Эрхандын өмүрү кыйылган окуя өспүрүмдөр арасында чоңсунуу көйгөйүн кайрадан көтөрдү. Милиция 16 жаштагы өспүрүм шектүү катары кармалып, эки айга камалганын билдирди. Мугалимдер Эрхандын жүрүм-туруму жакшы болгонун, ызы-чуудан алыс жүргөнүн айтты.
Кыргызстанда үйү тинтүүгө алынган активист, социалдык тармактын активдүү колдонуучусу Мирланбек Маратбек уулунан алынган материалдар боюнча экспертиза дайындалды. Милиция ага Кылмыш-жаза кодексинин “Экстремисттик материалдарды даярдоо, таратуу” беренеси менен кылмыш иши козголгонун билдирди.
Кыргызстандын Тышкы иштер министрлиги жарандарды Орусиянын Белгород, Брянск жана Курск облустарына барбай турууга чакырды. Бул аймактарга федералдык жана аймактык деңгээлдеги өзгөчө кырдаалдар режими киргизилген.
Париж Олимпиадасы Кыргызстандын эгемен тарыхында эң көп медал алган дүйнөлүк мелдеш болду. Кыргыз спортчулары Сиднейде бир коло байге, Бээжинде бир күмүш, эки коло жана Токио оюндарында эки күмүш, бир коло медал уткан. Кыргызстандын Франциядагы элчиси Садык Шер-Ниязды “Азаттык” кепке тартты.
Президент Садыр Жапаров “Ишкерлердин жана инвесторлордун укуктарын коргоо чөйрөсүндөгү" мыйзамга кол койгону 23-июлда жарыяланды.
Орусиялык теле алып баруучу Тина Канделакинин Кыргызстанда “русофобиялык” көз караш жайылтылып жатканын айтып, буга Батыш өлкөлөрүн жана алардын колдоосу менен иш алып барган жергиликтүү уюмдарды айыптаган билдирүүсү талкууга түштү.
Орусияда соңку учурда миграциялык талаптар күчөп, мигранттарга карата текшерүүлөр, рейддер жүрүп жатат. Ал арада орус өкмөтү чет элдик мигранттарды өлкөдөн чыгаруунун шартын жеңилдеткен мыйзам сунуштап жатат.
Кыргыз бийлиги Тажикстан менен чек араны тактоо иштери активдүү жүрүп жатканын билдирип, жумушчу топтордун жолугушуусу уланууда. Тактоо иштеринде кайсы маселелер кыйынчылык жаратышы мүмкүн?
Бириккен Улуттар Уюмунун баш катчысы Антониу Гутерриштин Борбор Азия сапары жыйынтыкталды. Ал үч күндүк сапар алкагында мамлекет жетекчилигинен тышкары жарандык коом, жаштар менен да жолугушууларды өткөрдү.
Чолпон-Атада Бириккен Улуттар Уюмунун баш катчысы Антониу Гутерриш Кыргызстандын президенти Садыр Жапаров менен жолугуп, өлкөдөгү жана дүйнөдөгү абалды талкуулады. Гутерриш Кыргызстандагы жарандык коом өкүлдөрү менен дагы жолугушту.
Жыл башынан бери Кыргызстандын бир катар аймактарында утур-утур сел жүрүп, адам өмүрү кыйылган учурлар да катталды. Табият кырсыгынын көбөйүшү эмне менен байланыштуу? Алдыда кандай өзгөрүүлөр күтүлөт жана анын алдын алуу, даярдык иштери кандай жүрүшү керек?
Президент Садыр Жапаров "7-апрель ынтымагы" коомуна бир гектардан ашык жер бөлүп берилгенин билдирди. Ал жерге 200 кишиге жумуш бере турган ишкана курулары, анда Апрель окуясында жабыркагандар, алардын жакындары эмгектенери айтылууда. Ага кетчү акчаны Бакиевдер берет деген маалымат бар.
Ички иштер министрлиги Кыргызстанда мыйзамсыз миграция агымын азайтуу үчүн айыптын суммасын көбөйтүүнү сунуштады. Ал арада укук коргоо органдары мыйзамсыз мигранттарга каршы рейддерди өткөрүп, анын жыйынтыгы менен айып пулдар салынып, айрымдары өлкөдөн чыгарылып жатканын билдирүүдө.
Бишкекте 39 жаштагы Айжан Алыкулованын өлүмүн териштирген сот отуруму өтүүдө. Ал быйыл 24-февралга караган түнү баш калаадагы батиринде киши колдуу болгон. Анын өлүмүнө шектүү деп жарандык никеде турган 34 жаштагы жаран кармалып, учурда тергөө абагында отурат.
Кыргыз өкмөтү чет элдик инвесторлорду тоо-кен тармагындагы бир катар долбоорлорго катышууга чакырды. Алардын арасында уран жана торий элементтери бар экени айтылган Кызыл-Омпол кенин иштетүү долбоору да бар.
Жарым жылдан бери абакта отурган активист Афтандил Жоробеков үй камагына чыкты. 15-июндагы соттук отурумда анын адвокаты кылмыш иши кайра тергөөгө жөнөтүлгөнүн жүйө келтирип, бөгөт чарасын өзгөртүүнү өтүнгөн.
Билим берүү жана илим министрлиги Кыргызстанда жогорку окуу жайлардын деңгээлин аныктаган улуттук рейтингдин жыйынтыгын жарыялап, бул баалоо ишмердиги эми такай уланып турарын маалымдады.
Дагы жүктөңүз
